Múrsteinar brotnir með höfðinu

Athyglisvert mót á vegum Taekwondo-deildar Ármanns verður haldið á morgun í Ármannsheimilinu á Engjavegi, svokallað brotmót.

Brotmót var haldið í fyrsta sinn hérlendis í fyrra og heppnaðist mjög vel. Múrsteinar voru brotnir með höfðinu, kveikt í þeim, lagt til atlögu við ísklump og óteljandi spýtur tvístruðust um allan sal.

Keppt verður í hópaatriðum, power-break, speed break og einstaklings sýningaratriðum á morgun svo eitthvað sé nefnt. Mótið hefst klukkan 13:00.