Dagný varð langmarkahæst í Reykjavíkurmótinu

Valskonan Dagný Brynjarsdóttir varð langmarkahæst í Reykjavíkurmóti kvenna sem lauk með öruggum sigri Valskvenna um helgina. Dagný skoraði 9 mörk í fjórum leikjum Hlíðarendaliðsins eða fimm mörkum meira en þær næstu á listanum.

Frammistaða Dagnýjar fór ekki framhjá Sigurði Ragnari Eyjólfssyni, landsliðsþjálfarar, því hann valdi hana í morgun í hópinn sem fer á Algarve-bikarinn í Portúgal seinna í þessum mánuði.

Dagný sem verður 19 ára á þessu ári skoraði 3 mörk í 17 leikjum í Pepsi deild kvenna síðasta sumar en í Reykjavíkurmótinu fyrir ári síðan þá var hún með 1 mark í 4 leikjum.

Markahæstar á Reykjavíkurmótinu 2010:

Dagný Brynjarsdóttir Val 9

Björk Gunnarsdóttir, Val 4

Laufey Björnsdóttir Fylki 4

Ruth Þórðar Þórðardóttir Fylki 4

Fjóla Dröfn Friðriksdóttir KR 3

Anna Sigurðardóttir, Fylki 3

Mörk Dagnýjar í fjórum leikjum Valsliðsins:

10-0 sigur á Þrótti

Þrjú mörk á 42., 54. og 90.+1 mínútu

6-0 sigur á KR

Skoraði ekki

8-0 sigur á HK/Víkingi

Fjögur mörk á 5., 15., 32. og 49. mínútu

4-0 sigur á Fylki

Tvö mörk á 36. og 90. mínútu