NBA: Spurs í úrslitakeppnina þrettánda árið í röð

San Antonio Spurs tryggði sér í nótt sæti í úrslitakeppninni með mögnuðum sigri á LA Lakers, 110-81, í Staples Center.

Fyrir leikinn grínaðist þjálfari Spurs, Gregg Popovich, með að Spurs þyrfti að fela sig fyrir Lakers er úrslitakeppnin kæmi en miðað við frammistöðuna í nótt þarf Spurs ekkert á því að halda að fela sig.

Manu Ginobili og Tim Duncan drógu vagninn fyrir gestina en Ginobili skoraði 32 stig i leiknum.

„Ótrúlegur sigur. Fyrir tveim mánuðum síðan hefði ég aldrei getað látið mig dreyma um 19 stiga sigur á Lakers," sagði Ginobili en Spurs-liðið, sem margir voru búnir að afskrifa, er að spila sinn besta bolta þessa dagana.

Úrslit næturinnar:

LA Lakers-San Antonio  81-100

Indiana-Houston  133-102

Orlando-Memphis  107-92

Toronto-Golden State  112-113

Washington-NJ Nets  109-99

Oklahoma-Minnesota  116-108

LA Clippers-NY Knicks  107-113