Forlan vill ekki fara frá Atletico

Diego Forlan hefur heldur betur verið eftirsóttur eftir stórkostlega frammistöðu með Úrúgvæ á HM en hann var valinn besti leikmaður mótsins.

Þrátt fyrir mikinn áhuga annarra liða á sér vill Forlan sjálfur ekki fara frá félaginu.

"Ég les bara um þessi mál í blöðunum en það hefur ekkert komið inn á borð til mín. Ég hef heldur engan áhuga á að fara frá Atletico Madrid. Hér líður mér vel og ég á þrjú ár eftir af samningi mínum við félagið," sagði Forland.

Juventus, Inter og Chelsea hafa öll verið orðuð við leikmanninn á síðustu misserum.