Villa: Ég myndi skora meira fyrir Barcelona ef Fabregas kæmi

David Villa hefur bæst í hóp þeirra leikmanna Barcelona sem þrýsta á Cesc Fabregas að koma aftur til félagsins. Framtíð fyrirliðans hjá Arsenal er enn óljós.

Barcelona bauð 25 milljónir punda í Fabregas en því tilboði var neitað.

"Ég er ekki þjálfarinn eða sá sem stýrir því hverja félagið kaupir, en persónulega er ég tilbúinn að gera allt til þess að Cesc komi. Hann vill koma hingað og það yrði eðlilegt að Arsenal selji hann," sagði Villa.

"Það væri frábært. Hann myndi hjálpa Xavi og Andrés Iniesta og ég mun skora meiri mörk með hann í liðinu," sagði Villa.