Haukar selja sextán ára strák til AGF

Haukar og AGF hafa komist að samkomulagi um kaup danska b-deildarfélagsins á fótboltamanninum Arnari Aðalgeirrssyni. Arnar er aðeins sextán ára gamall og hefur aldrei spilað með meistaraflokki félagsins. Þetta kom fram í fréttatilkynningu frá Haukum.

Arnar verður ekki eini leikmaðurinn hjá AGF því þar spilar einnig hinn tvítugi Aron Jóhannsson sem var keyptur frá Fjölni á miðju síðasta tímabili.

Arnar er eldfljótur kantmaður sem hefur verið fastamaður í 17 ára landsliði Íslands (1 mark í 6 leikjum á árinu 2010) og átti mikinn þátt í því þegar Haukar urðu Íslandsmeistarar í fyrsta og eina skiptið í 4.flokki karla árið 2008.

Haukar hafa vakið athygli fyrir gott unglingastarf á síðustu árum enda eiga Haukar nú marga menn í yngri landsliðum Íslands ásamt því að fjöldi leikmanna frá félaginu hefur verið á reynslu hjá erlendum liðum.