Zlatan skammaðist sín hjá Barcelona

Hinn umdeildi umboðsmaður Zlatan Ibrahimovic, Mino Raiola, segir að Zlatan hafi beðið sig um að komast frá Barcelona þar sem hann hafi skammast sín hjá félaginu.

Mikill kuldi var í samskiptum Zlatan og þjálfarans, Pep Guardiola, en þeir töluðu ekki saman í hálft ár.

Raiola segir að þegar Barca keypti David Villa hafi það verið skýr skilaboð til Zlatan að nærveru hans væri ekki lengur óskað.

"Ibrahimovic bað mig um að koma honum frá Barcelona því hann skammaðist sín að ver þarna. Ég gerði það," sagði Raiola en Zlatan gekk í raðir AC Milan eins og flestir ættu að vita.