Leitað að vélsleðamönnum á Langjökli

Björgunarsveitir Landsbjargar hafa verið kallaðar út ásamt þyrlu frá Landhelgisgæslunni til þess að leita að tveimur vélsleðamönnum sem urðu viðskila við hóp sleðamanna á Langjökli í dag.

Að sögn lögreglunnar á Selfossi er slæmt veður á svæðinu og mjög lélegt skyggni. Þyrla Landhelgisgæslunnar er á leið í loftið en óvíst er hvort hún geti athafnað sig á jöklinum vegna veðurs.

Ólöf Snæhólm Baldursdóttir upplýsingafulltrúi Landsbjargar segir að snjóbílar björgunarsveitanna hafi verið kallaðar út og eru þær nú á leið á jökulinn.