Sverre: Mikill léttir að ná sigri

„Þetta hafðist og það er eiginlega það eina jákvæða sem hægt er að taka úr leiknum," sagði varnarjaxlinn Sverre Jakobsson eftir sigurinn nauma gegn Lettlandi í kvöld.

„Sóknin var ívið skárri en varnarleikurinn. Ég hef eiginlega enga skýringu á þessu... við vorum bara óöruggir og alltof seinir. Það er mikill léttir, tap hefði verið grátlegt hérna á heimavelli. Við áttum að gera okkur mun auðveldara fyrir."

„Þetta hefði alveg getað farið á hinn veginn og við verðum að gera miklu betur í Austurríki. Við þurfum heldur betur að mæta undirbúnir í þann leik. Við eigum mikla vinnu framundan á næstu tveimur dögum til að ná því. Við höfum oft sýnt að við náum að stíga upp þegar þess þarf."