Hamilton vann í dramatískri keppni

Bretinn Lewis Hamilton landaði sigri í Formúlu 1 mótinu í Tyrklandi, eftir mikla dramatík á milli Red Bull ökumannanna Mark Webber og Sebastian Vettel, sem leiddu mótið en lentu í árekstri.

McLaren ökumennirnir pressuðu í sífellu á liðsmenn Red Bull og munaði oft ekki nema 3-4 sekúndum á ökumönnum liðanna í fyrstu fjórum sætunum.

Vettel reyndi svo framúrkastur á Webber, sem varð til þess að þeir skullu saman og Vettel féll úr leik, en Webber hafði leitt keppnina frá fyrsta metra. Vettel var heitt í hamsi eftir atvikið, en róaðist eftir að keppni lauk. Webber náði að ljúka keppninni í þriðja sætið.

Við óhappið komst Hamilton í fyrsta sætið, og leiddi Jenson Button eftir brautinni. Button komst um tíma framúr Hamilton, en Hamilton sá sér leik á borði og smeygði sér framúr Button á dirfskufullan hátt í fyrstu beygju brautarinnar.

Hamilton kom því fyrstur í endamark á undan Button og Webber, sem heldur forystu í stigamótinu,  þrátt fyrir ólán dagsins. Hann stefndi á þriðja sigurinn í röð í mótinu.

Webber er með 93 stig í stigamóti ökumanna, Button 88, Hamilton 84, Fernando Alonso 78 og Vettel 79. Í keppni bílasmiða er McLaren með 172, Red Bull 171 og Ferrari 146.

Lokastaðan

1.  Hamilton      McLaren-Mercedes           1h28:47.620

2.  Button        McLaren-Mercedes           +     2.645

3.  Webber        Red Bull-Renault           +    24.285

4.  Schumacher    Mercedes                   +    31.110

5.  Rosberg       Mercedes                   +    32.266

6.  Kubica        Renault                    +    32.824

7.  Massa         Ferrari                    +    36.635

8.  Alonso        Ferrari                    +    46.544

9.  Sutil         Force India-Mercedes       +    49.029

10.  Kobayashi     Sauber-Ferrari             +  1:05.650

1.  Webber        93        1.  McLaren-Mercedes          172

2.  Button        88        2.  Red Bull-Renault          171

3.  Hamilton      84        3.  Ferrari                   146

4.  Alonso        79        4.  Mercedes                  100

5.  Vettel        78        5.  Renault                    73

6.  Massa         67        6.  Force India-Mercedes       32

7.  Kubica        67        7.  Williams-Cosworth           8

8.  Rosberg       66        8.  Toro Rosso-Ferrari          4