Pálmi Freyr spilar ekki meira með Snæfelli í vetur

Snæfell hefur staðfest að bakvörðurinn öflugi Pálmi Freyr Sigurgeirsson muni ekkert spila meira með liðinu á þessarri leiktíð í Iceland Express-deildinni í körfubolta vegna meiðsla.

Pálmi Freyr hefur átti við erfið bakmeiðsli að etja í vetur og þrátt fyrir að hafa gert allt sem í hans valdi stendur er ljóst að hann getur ekki verið meira með liðinu.

Pálmi Freyr mun þó samkvæmt heimasíðu Snæfells halda áfram að styðja við liðið og mun hann vera þjálfaranum Inga Þór Steinþórssyni til halds og trausts á bekknum.