Jimmy Jump óstöðvandi - myndband

Hinn heimsfrægi Jimmy Jump heldur áfram að sinna sínu áhugamáli af alúð en það er að trufla hina ýmsu viðburði. Sérstaklega hefur maðurinn verið duglegur gegnum árin að hlaupa inn á fótboltavelli meðan leikir eru í gangi.

Fyrir úrslitaleik HM í Suður-Afríku komst hann inn á völlinn rétt fyrir leik og gerði misheppnaða tilraun til að setja húfu á sjálfa verðlaunastyttuna.

Á föstudagskvöld var hann svo mættur á æfingaleik þýska liðsins St. Pauli og Racing Santander. Hann hljóp inn á völlinn með fána St. Pauli og gekk ansi brösuglega hjá öryggisverðum að ná honum.

Smelltu hér til að sjá myndband af þessu uppátæki.