Viðskipti innlent

Erlendum gestum fjölgaði um 2.000 í febrúar

Um 20 þúsund erlendir gestir fóru frá landinu um Leifsstöð í febrúarmánuði síðastliðnum, tvö þúsund fleiri en í febrúar árið 2008. Þannig komu álíka margir í febrúar í ár og árið 2007 sem var þá fjölmennasti febrúarmánuður frá upphafi talninga í Leifsstöð.

Í tilkynningu frá Ferðamálastofu segir að fleiri Íslendingar fóru ennfremur utan í febrúar í ár eða um 17 þúsund, 1700 færri en árið 2009 en þá fóru 15.255 Íslendingar utan.

Ef litið er til einstakra markaðssvæða má sjá verulega aukningu frá þeim öllum nema Norðurlöndunum. Þannig fjölgaði Bretum og Bandaríkjamönnum um fjórðung, 16% aukning var frá Mið- og Suður Evrópu og 11% aukning frá öðrum löndum en talningar ná til og fjarmörkuðum.

Frá áramótum hafa tæplega fjörutíu þúsund erlendir gestir farið frá landinu eða um tvö prósent fleiri en í janúar og febrúar á síðasta ári. Mest hefur aukningin orðið frá Bretlandi eða um 19 prósent.





Mest lesið


Fleiri fréttir

Sjá meira


×

Mest lesið