United að undirbúa tilboð í Rafael Van der Vaart

Hollendingurinn Rafael Van der Vaart, leikmaður Real Madrid, er orðaður við Manchester United en hann hefur fundið sinn rétta takt í vetur eftir erfiðan tíma á Spáni. Van der Vaart var settur á sölulista síðasta sumar en ekkert varð úr sölu á leikmanninum þá. Nú er talið að United séu reiðubúnir að borga 23 milljónir punda fyrir leikmanninn en sögur segja að hann sé í miklum metum hjá stjóra þeirra Sir Alex Ferguson. Fleiri lið í ensku úrvalsdeildinni hafa verið nefnd til sögunnar og vilja leikmanninn í sínar raðir en Chelsea, Liverpool, Man City og Arsenal hafa öll sýnt Van der Vaart áhuga.