Landsvirkjun kannar sæstreng til Skotlands

Landsvirkjun er nú að kanna hagkvæmni Þess að leggja tæplega 1.200 km langan sæstreng til Skotlands. Strengurinn á að geta flutt allt að 18 tetravöttum af orku á ári.

Fjallað er um málið á Bloomberg fréttaveitunni en hugmyndin er ekki ný og raunar um 20 ár síðan Landsvirkjun fór fyrst að kanna hugmyndir um lagningu sæstrengs til Evrópu. Hugmyndin er m.a. að selja rafmagn í smásölu, það er til almennings, í gegnum sæstrenginn.  Fyrrgreint afl gæti séð um 5 milljónum heimila í Evrópu fyrir rafmagni.

Katrín Júlíusdóttir iðnaðarráðherra segir að könnun Landsvirkjunar njóti fyllsta stuðnings íslenskra stjórnvalda.

Þá er rætt við Valdimar Ármann hagfræðing hjá GAMMA sem segir að árlegur útflutningur á hreinni endurnýjanlegri orku frá Íslandi geti numið 10% af landsframleiðslu landsins eða rúmum 140 milljörðum kr.

Þetta mat Valdimars rímar nokkuð við rafmagnsverð til almennings á Bretlandseyjum í dag en 18 tetravött myndu skila tekjum upp á 155 milljarða kr. að því er segir á Bloomberg.