Undanþága veitt vegna sértækrar skuldaaðlögunnar

Samkeppniseftirlitið hefur veitt Samtökum fjármálafyrirtækja f.h. aðildarfélaga sinna, Íbúðalánasjóði, Landssamtökum lífeyrissjóða f.h. aðildarsjóða sinna, Sambandi íslenskra sparisjóða, slitastjórn SPRON og slitastjórn Frjálsa fjárfestingabankans heimild til þess að gera og framkvæma samkomulag um verklagsreglur um sértæka skuldaaðlögun einstaklinga.

Þetta kemur fram á vefsíðu Samkeppniseftirlitsins en sótt var um undanþágu frá samkeppnisreglum vegna ákvörðunar stjórnvalda í samvinnu við fyrrgreind fyrirtæki um sértæka skuldaaðlögun einstaklinga.

Sett eru margvísleg skilyrði fyrir undanþágunni. Meðal annars að í samkomulaginu felast lágmarksviðmiðunarreglur og er fjármálafyrirtæki því heimilt að veita viðskiptavinum sínum betri kjör en samkomulagið gerir ráð fyrir.

Fyrirtækjum sem aðild eiga að samkomulagi þessu er einungis heimilt að eiga með sér samstarf eða funda á grundvelli samkomulagsins en í því felst ekki heimild til nánara samráðs um verð og viðskiptakjör en kveðið er á um í samkomulaginu.

Halda skal skýrar fundargerðir um fundi sem haldnir eru vegna samkomulagsins. Þá skal haldið til haga yfirliti yfir öll gögn sem lögð eru fram á fundum eða verða til vegna framkvæmdar á samkomulaginu.

Fjármálafyrirtæki sem aðild eiga að samkomulaginu skulu tilnefna fastan fulltrúa sem situr fundi fyrir þeirra hönd á vettvangi kröfuhafa.

Fyrirtækjunum sem aðild eiga að samkomulaginu er einungis heimilt að eiga með sér samstarf eða fundi að viðstöddum fulltrúa umboðsmanns skuldara. Skal fulltrúi umboðsmanns hafa aðgang að öllum gögnum sem verða til vegna samstarfsins.

Hvert fjármálafyrirtæki fyrir sig skal upplýsa Samkeppniseftirlitið innan fjögurra vikna frá dagsetningu þessarar ákvörðunar um þær ráðstafanir sem gripið hefur verið til.

Undanþága þessi veitir ekki öðrum aðilum samkomulagsins en fjármálafyrirtækjum sem stunda útlánastarfsemi eða stunduðu slíka starfsemi fyrir gjaldeyrishrunið 2008 rétt til samstarfs sem fer gegn

Komi til þess að gera þurfi frekari breytingar á reglunum skal það borið fyrirfram undir Samkeppniseftirlitið.