Ágæt afkoma hjá Lánasjóði sveitarfélaga

Lánasjóður sveitarfélaga skilaði tekjuafgangur í fyrra upp á  1.248 milljónir kr. á móti 1.656 milljónum kr. árið áður. Lækkun vaxta á innlendum markaði sem og minnkandi verðbólga skýra minnkandi afkomu á milli ára, gengishagnaður vegna erlendra skulda bæta afkomuna um 321 milljón kr.

Í tilkynningu segir að meginhlutverk sjóðsins er að tryggja sveitarfélögum, stofnunum þeirra og fyrirtækjum lánsfé á hagstæðum kjörum. Útborguð langtímalán á árinu 2010 voru 6,4 milljarðar kr. samanborið við 8,4 milljarða kr. á fyrra ári.

Sjóðurinn hefur ekki tapað útláni frá því að hann hóf starfsemi árið 1967 og engin vanskil voru í árslok 2010. Sveitarfélögin bera ekki ábyrgð á skuldbindingum sjóðsins, en tryggingar fyrir útlánum hans eru í tekjum sveitarfélaga. Sjóðurinn beitti veði sínu einu sinni á árinu og í kjölfarið gerði viðkomandi lántaki upp vanskil sín við sjóðinn.

Eigið fé í árslok 2010 var 14,2 milljarðar kr. á móti 12,9 milljörðum kr. árið áður. Eiginfjárhlutfall, var í árslok 2010 78% en var 67% í árslok 2009, en þarf að vera 8% samkvæmt lögum um fjármálafyrirtæki.