Úrslitahópur Gulleggsins tilkynntur

Í dag varð ljóst hvaða 10 viðskiptahugmyndir komust áfram í keppninni um Gulleggið 2010, frumkvöðlakeppni Innovit, en 258 viðskiptahugmyndir hófu keppni í janúar. Frumkvöðlarnir að baki þessum nýju sprotafyrirtækjum munu kynna hugmyndir sínar og svara spurningum frammi fyrir yfirdómnefnd keppninnar í úrslitunum sem fara fram þann 2. apríl.

Heildarverðlaun í keppninni eru metin á um fjórar milljónir króna og sigurvegarar keppninnar hljóta þar af eina milljón í peningaverðlaun auk þess hljóta þeir að launum verðlaunagripinn Gulleggið 2011. Verðlaunaafhendingin fer fram á Háskólatorgi Háskóla Íslands 2. apríl næstkomandi.

Hér eru ágrip af úrslitatillögunum:

KinWins

KinWins er hvatningaleikur á netinu og félagsmiðill (e. social network) fyrir fjölskyldur. KinWins samanstendur af vefsíðunni kinwins.com og forriti í síma.

Streamplicity.com   

Vefsíðan Streamplicity.com mun leitast við að flokka ókeypis sjónvarpsefni á netinu niður eftir áhugasviðum og með hjálp gervigreindar og auðveldar þannig notendum síðunnar að finna sjónvarpsefni sér við hæfi.

Puzzled by Iceland   

Puzzled by Iceland hjálpar ferðamönnum að varðveita minningarnar frá ferðalögum sínum með því að bjóða upp á vandaða minjagripi í formi fallegra og fræðandi púsluspila. Vörumerkið, sem er “Puzzled by”, hefur alþjóðaskírskotun með möguleika á alþjóðlegri markaðssetningu.

Gítargrip.is   

"Gítargrip.is er leiðandi vefur í framsetningu á lagatextum á Íslandi. Markmið vefsins er að verða stærsti alþjóðlegi samfélagsmiðillinn á sínu sviði."

IC Game House   

Board games and online gaming. Learning and exploring via interactive gaming online! It can be fun to learn!

Pink Iceland og IGLA 2012   

Pink Iceland - sérhæfð ferðaskrifstofa fyrir LGBT markaðinn

WornByWorship   

Worn By Worship verslunin selur tískuhönnun frá ungum og upprennandi fatahönnuðum, þar sem 10% af andvirði hverrar seldrar vöru rennur til góðgerðamálefna.

RóRó   

Tæki sem hjálpar ungbörnum að sofa betur, líða betur og eykur öryggi þeirra.

Lipid Pharmaceuticals   

Markmið verkefnisins er að þróa, skrá og markaðsetja hægðalyf ásamt bólgu- og veirudrepandi lyf  unnin  úr Íslenskum lýsisafurðum.

Min hugmynd   

Memmm er Miðstöð þeirra ævintýra sem skapast þegar börn og foreldrar njóta kjarngóðrar samveru í leik af ýmsu tagi í skapandi umhverfi. Hér nærum við og styrkjum fjöldskylduna á skapandi, skemmtilegan máta og tengjum hana umhvervisvænum lífsháttum. Lífið er leikur.



Yfirdómnefnd keppninnar samanstendur af fjárfestum, stjórnendum úr íslensku atvinnulífi og samstarfsaðilum Frumkvöðlakeppni Innovit. Yfirdómnefnd mun ákveða hvaða hugmyndir raðast í efstu sæti keppninnar. Í dómnefnd Gulleggsins 2011 eru staðfestir:

•    Árni Þ. Þorbjörnsson, Forstöðumaður fyrirtækjasviðs Landsbankans

•    Baldur Már Helgason, Sjóðstjóri Bjarkarsjóðsins

•    Benedikt K. Magnússon, KPMG

•    Eggert Claessen, framkvæmdastjóri Frumtaks fjárfestingasjóðs

•    Gísli Hjálmtýsson, framkvæmdastjóri Thule Investments

•    Guðmundur Siemsen, framkvæmdastjóri Advel lögfræðiþjónustu

•    Helga Valfells, framkvæmdastjóri Nýsköpunarsjóðs Atvinnulífsins

•    Hermann Ottósson, forstöðumaður fræðslu og ráðgjafarsviðs Íslandsstofu

•    Jón Bjarni Gunnarsson, aðstoðarframkvæmdastjóri Samtaka Iðnaðarins

•    Liv Bergþórsdóttir, framkvæmdastjóri NOVA

•    Páll Harðarson, forstjóri Kauphallar Íslands

•    Ruth Elfarsdóttir, framkvæmdastjóri fjármála Alcoa á Íslandi

•    Þórður Magnússon, stjórnarformaður Eyrir Invest,

•    Þórlindur Kjartansson, stjórnarformaður Innovit