Geir eftirlitsmaður á úrslitaleik Meistaradeildarinnar

Geir Þorsteinsson, formaður KSÍ, hefur verið valinn af UEFA til þess að verða eftirlitsmaður UEFA á úrslitaleik Barcelona og Manchester United á Wembley. Þetta kemur fram á heimasíðu KSÍ.

Leikurinn fer fram á Wembley 28. maí þar sem risarnir Barcelona og Manchester United mætast og er ljóst að uppselt verður á leikinn en Wembley leikvangurinn rúmar um 90 þúsund manns.

Ekki þarf að fjölyrða um það hversu mikill heiður þetta er fyrir Geir og Knattspyrnusamband Íslands enda er um að ræða stærsta leik evrópskar knattspyrnu á hverju ári.

Ekki spillir fyrir þetta árið að leikurinn er á milli Barcelona og Manchester United sem eru meðal vinsælustu knattspyrnuliða heims og má því búast við gríðarlegum áhuga á leiknum bæði hér á landi sem og erlendis.