Jón Margeir setti aftur heimsmet

Jón Margeir Sverrisson setti heimsmet í 200 metra skriðsundi í 25 metra laug á bikarkeppni Íþróttafélags fatlaðra um síðustu helgi. Jón Margeir synt á tímanum 2:00,74 og bætti heimsmetið um tæpa sekúndu.

Þetta er í annað skipti á skömmum tíma sem Jón Margeir setur heimsmet. Fyrir skemmstu sló hann heimsmetið í 800 metra skriðsundi í 50 metra laug.

Sundfélagið Fjörður stóð uppi sem sigurvegari í bikarkeppninni fjórða árið í röð. Auk Fjarðar tóku ÍFR, Óðinn og Ösp þátt í keppninni. Keppnin var mjög spennandi og munaði aðeins 60 stigum á Firði og Ösp.

1. Fjörður 11.773 stig

2. Ösp     11.713 stig

3. Ífr     10.842 stig

4. Óðinn   7.898 stig.

Auk heimsmets Jóns Margeirs voru átta Íslandsmet sett á mótinu. Nánar er fjallað um mótið á heimasíðu Fjarðar.