Jón Margeir bætti tvö Íslandsmet

Jón Margeir Sverrisson bætti Íslandsmetið í 100 metra bringustundi á Evrópumóti fatlaðra í sundi í Berlín. Jón Margeir keppir í flokki S14, þroskahamlaðra og var hársbreidd frá því að ná í bronsverðlaun.

Jón Margeir synti á tímanum 1.13,92 mínútur og bætti eigið Íslandsmet sem hann setti fyrr um daginn um rúmar tvær sekúndur. Tíminn dugði honum í fjórða sæti. Millitími Jóns Margeirs 34,70 sekúndur dugði til þess að bæta Íslandsmetið í 50 metra bringustundi en hann átti metið sjálfur.

Eyþór Þrastarson keppti í 100 metra skriðsundi og hafnaði í 8. sæti á tímanum 1.08,97 mínútur.