Bielsa tekur við Bilbao

Argentínski þjálfarinn Marcelo Bielsa mun taka við sem þjálfari spænska félagsins Athletic Bilbao í kjölfar þess að Jose Urrutia vann forsetakosningar félagsins.

"Við búumst við því að Bielsa verði mættur hingað á sunnudaginn," sagði Urrutia.

Bilbao mun taka þátt í Evrópudeildinni í vetur en liðið hafnaði í sjötta sæti í spænsku deildinni síðasta vetur.

Bielsa fór með lið Síle í sextán liða úrslit HM 2010. Hann hefur einu sinni áður þjálfað í Evrópu er hann stýrði Espanyol í sex leikjum árið 1998.