Barcelona búið að kaupa Sanchez

Það virðist fátt geta komið í veg fyrir að Alexis Sanchez gangi í raðir Barcelona eftir að Börsungar náðu samkomulagi við Udinese um kaupverð á leikmanninum. Sanchez verður því væntanlega orðinn leikmaður Barcelona á næstu dögum.

Þessi 22 ára framherji frá Síle hefur verið afar eftirsóttur í sumar en sjálfur vildi hann aðeins fara til Barcelona.

Hermt er að kaupverðið sé í kringum 27 milljónir evra. Sanchez fer beint á æfingar með Barcelona um leið og samningurinn gengur í gegn.