Maður sem var laminn á hafnaboltaleik farinn að tala á ný

Harður stuðningsmaður hafnaboltaliðsins San Francisco Giants er farinn að tala á nýjan leik en hann hefur verið nær meðvitundarlaus eftir að ráðist var á hann á leik í lok mars síðastliðnum.

Maðurinn heitir Bryan Stow og var laminn fyrir utan Dodger-völlinn. Hann hlaut alvarlega höfuðáverka í árásinni og hefur ekki verið til stórræðanna síðan.

Fjölskylda hans hefur nú greint frá því að hann hafi sagt nafnið sitt og barnanna sinna í vikunni. Það er það fyrsta sem Stow segir frá því lok mars.

Læknar segja að ómögulegt sé að spá um hvenær, eða hvort, Stow nái fullri heilsu. Tveir menn hafa verið kærðir vegna árásarinnar. Báðir neita sök í málinu.