Beckenbauer: Barcelona er betra en spænska landsliðið

Þeir eru margir sem dást að spænska liðinu Barcelona. Þar á meðal er þýska goðsögnin Franz Beckenbauer sem segir að Barcelona sé betra lið en spænska landsliðið. Ástæðan er Lionel Messi.

"Barcelona hefur sett ákveðið viðmið í knattspyrnuheiminum. Liðið spilar fullkominn fótbolta. Það ér ótrúlegt að horfa á liðið spila," sagði Keisarinn.

"Barca er jafnvel betra en spænska landsliðið því liðið hefur Lionel Messi. Það þarf mikið að gerast svo liðið vinni ekki Meistaradeildina enn og aftur."