Messi bjargaði stigi fyrir Barcelona

Lionel Messi bjargaði Barcelona í kvöld er hann jafnaði leikinn gegn Athletic Bilbao í uppbótartíma. Lokatölur 2-2.

Ander Herrera kom Bilbao yfir á 20. mínútu en Cesc Fabregas jafnaði leikinn fjórum mínútum síðar. Þannig stóðu leikar í hálfleik.

Gerard Pique varð síðan fyrir því óláni að skora sjálfsmark tíu mínútum fyrir leikslok. Það stefndi allt í sigur Bilbao þegar varnarmenn liðsins gerðu mistök í uppbótartíma og Messi refsaði.

Jafnteflið var dýrt því Barcelona er nú þrem stigum á eftir toppliði Real Madrid.