Flytja menn og báta vestur

 „Við vonumst til að fá byggðakvóta þegar fram líða stundir. Þetta lifir allt á því að fá hráefni í hús,“ segir Kristján Kristjánsson sem um helgina keypti ásamt Sigurði Aðalsteinssyni allar eignir þrotabús Eyrarodda á Flateyri.

Eyraroddi sagði upp 42 starfsmönnum í haust. Fyrirtækið var úrskurðað gjaldþrota fyrir tæpum mánuði. Kristján og Sigurður eiga útgerðirnar Lotnu og Reddingu sem gera út trillu og línubát, eru með um 200 tonna kvóta af ýsu og þorski auk eigna- og leigukvóta.

Bátarnir verða fluttir vestur. Til stendur að ráða 20 til 25 manns til að byrja með og hefja vinnslu á næstu vikum.- jab