Jones hættur við að spila með Njarðvík

Bandaríkjamaðurinn Jonathan Jones, sem spila átti með Njarðvík í efstu deild karla í körfuknattleik í vetur, mun ekki koma til liðsins. Karfan.is greinir frá þessu.

„Það góða við þetta er að þetta kemur upp núna en ekki á miðju tímabili," sagði Einar Árni Jóhannsson þjálfari Njarðvíkur í samtali við Karfan.is.

Einar Árni segir enga örvæntingu vera í kjölfar fréttanna. Jones sé langt í frá að vera síðasti leikmaðurinn á markaðnum og Njarðvíkingar hafi þegar sett saman lista yfir aðra mögulega leikmenn.