Arion banki hafnar ásökunum Víglundar

Arion banki hafnar ásökunum sem fram komu í máli Víglundar Þorsteinssonar, fyrrverandi eiganda BM Vallár, á blaðamannafundi í gær.

Bankinn hafnar því að lög hafi verið brotin við úrvinnslu mála. Allt tal um aftökulista fyrirtækja sé einnig fráleitt. Víglundur fullyrti á fundinum að í Arion banka hefði verið gerður listi yfir skuldara sem vinna skyldi á til ávinnings fyrir skilanefndina.

Arion banki segir þetta rangt, hagur bankans felist einfaldlega í framtíðar velgengni viðskiptavina og íslensks atvinnulífs.