Töluverð hreyfing á gengi hlutabréfa í kauphöllinni

Töluverð hreyfing var á gengi hlutabréfa í íslensku kauphöllinni í dag en hlutabréfa vísitalan, OMXISK, lækkaði um 0,5 prósent í ríflega 186 milljóna króna viðskiptum, og er nú ríflega 989. Mesta hreyfingan varð á gengi hlutabréfa færeyska bankans Bank Nordik en það lækkaði um 3,68 prósent og er nú 64. Þá lækkaði gengi bréfa Haga um 0,28 prósent og er nú komið niður fyrir 18, í 17,95. Gengi bréfa Icelandair lækkaði um 1,68 prósent og er nú 7,01. Gengi bréfa Marels lækkaði um 1,44 prósent og er nú 136.

Gengi bréfa Regins hækkuðu um 0,57 prósent og stendur það nú í 8,57.

Sjá má upplýsingar um þróun mála á íslenska hlutabréfamarkaðnum hér.

Í Evrópu hækkuðu hlutabréfavísitölur lítillega víðast hvar, um 0 til 1 prósent. DAX vísitalan þýska hækkaði um 0,63 prósent. Í Bandaríkjunum hækkaðu vísitölur einnig lítillega, en Nasdaq vísitalan hækkaði um 0,60 prósent.