Schalke lagði Dortmund í grannaslagnum

Schalke gerði sér lítið fyrir og vann 2-1 sigur á Þýskalandsmeisturum Dortmund í hörkuslag þessara erkifjenda.

Stuðningsmenn þessara liða er ekki vel til vina og þurfti lögreglan að grípa til aðgerða fyrir leikinn þar sem fjölmargir létu ófriðlega.

Leikurinn fór fram í Dortmund og samkvæmt fréttum þýskra miðla þurfti lögreglan að beita táragasi á hóp stuðningsmanna.

Ibrahim Affelay og Marco Höger skoruðu mörk Schalke í leiknum. Affelay á fjórtándu mínútu og Höger í upphafi síðari hálfleiks.

Robert Lewandowski minnkaði muninn fyrir Dortmund á 55. mínútu en nær komust heimamenn ekki.

Bayern er enn með fullt hús stiga á toppi deildarinnar að loknum átta umferðum en liðið hafði betur gegn Düsseldorf á útivelli, 5-0, í dag. Thomas Müller skoraði tvö mörk fyrri Bayern í leiknum.

Frankfurt er í öðru sæti deildarinnar með nítján stig en liðið hafði betur gegn Hannover, 3-1, í dag. Schalke er í þriðja sæti með sautján stig.

Dortmund og Leverkusen koma svo næst með tólf stig hvort.

Úrslit dagsins:

Wolfsburg - Freiburg 0-2

Dortmund - Schalke 1-2

Frankfurt - Hannover 3-1

Düsseldorf - Bayern 0-5

Leverkusen - Mainz 2-2