Toro Rosso heldur sínum ökumönnum

Þeir Daniel Ricciardo og Jean-Eric Vergne munu áfram aka fyrir Toro Rosso-liðið í Formúlu 1 á næsta ári. Þetta staðfesti liðið í gær.

Toro Rosso er ítalskt systurlið Red Bull-liðsins sem nú hefur höfuð og herðar yfir önnur lið í Formúlunni. Toro Rosso hefur því gengt hlutverki útungunarstöðvar fyrir Red Bull. Besta dæmið um það er heimsmeistarinn Sebastian Vettel.

Ricciardo og Vergne eru báðir ungir ökumenn með takmarkaða reynslu. Vergne þreytti frumraun sína í Ástralíu í mars en Ricciardo ók nokkur mót sem lánsökuþór hjá HRT í fyrra. Þrátt fyrir reynsluleysið hefur Vergne nælt í tólf stig á tímabilinu og Ricciardo niu.

Báðir sögðust vera mjög ánægðir með að fá áframhaldandi samning. "Mér finnst eins og ég sé sterkari núna og ég veit að ég hef orðið að betri ökuþór á þessu tímabili," sagði Vergne.