Button: Alonso á titilinn meira skilið

Jenson Button, ökuþór McLaren-liðsins í Formúlu 1, segir að Fernando Alonso eigi heimsmeistaratitilinn meira skilið en Sebastian Vettel. Þetta segir hann því Ferrari-lið Alonso hefur átt í þónokkrum erfiðleikum í ár.

"Sebastian hefur verið óstöðugari í ár milli móta," sagði Button. "Í síðustu mótum hefur hann verið frábær í geggjuðum bíl. Ég held, ef litið er yfir tímabilið í heild, að stöðugleiki hafi verið skilað miklu. Við getum til dæmis séð að Fernando hefur verið frábær í öllum mótum."

Það kom Button einnig á óvart í ár hversu vel Ferrari-liðið náði að spila úr dræmum árangri á æfingum áður en keppnistíðin hófst í mars. "Ég sagði í Ástralíu (fyrsta móti ársins) að ég héldi að Alonso ætti ekki séns," sagði Button. "Þeir hafa hins vegar gert þetta frábærlega."

Hver verður heimsmeistari?

Vettel vinnur heimsmeistaratitilinn ef...

... hann endar í efstu fjórum sætunum.

... hann klárar fimmti, sjötti eða sjöundi og Alonso vinnur ekki kappaksturinn.

... hann klárar í áttunda eða níunda og Alonso verður þriðji eða neðar.

... hann klárar tíundi eða neðar og Alonso nær ekki verðlaunasæti.

Alonso vinnur heimsmeistaratitilinn ef...

... hann vinnur og Vettel er fimmti eða neðar.

... hann klárar annar og Vettel er í áttunda eða neðar.

... hann er þriðji og Vettel er tíundi eða neðar.