Verðlaunamynd um einelti

Myndin Bully, sem á íslensku er kölluð Grimmd: sögur af einelti, verður frumsýnd í Háskólabíói á föstudaginn.

Um er að ræða verðlaunaða heimildarmynd sem á erindi við alla og tekst á við ofbeldið sem einelti er og vandamálin sem það skapar í nútímasamfélagi.

Hún fjallar um fimm ungmenni sem hafa þurft að þola mikið einelti og hvernig sum þeirra tókust á við það en aðrir buguðust. Myndin þykir mikilvægur liður í baráttunni gegn einelti, sem er stórt vandamál um allan heim nú til dags.

Í tengslum við myndina hefur verið stofnuð síðan thebullyproject.com.