Ekki tókst að selja hlutaféið í Bláfugli

Ekki tókst að selja hlutafé flugfélagsins Bláfugl þar sem hæstbjóðenda tókst ekki að ljúka við fjármögnun sinni á kaupunum. Bláfugl er þó enn til sölu.

Í tilkynningu segir að söluferli á hlutafé Bláfugls ehf., sem er að fullu í eigu SPW ehf., dótturfélags Miðengis, hófst þann 22. febrúar 2012 með tilkynningu þess efnis.

PwC var falið að annast söluferlið fyrir hönd SPW. Nokkur tilboð bárust í félagið frá aðilum hérlendis og erlendis. Stjórn SPW ehf. hóf í framhaldinu viðræður við hæstbjóðanda um sölu á eignarhlutnum. Viðræðum er nú lokið án þess að til sölu hafi komið á eignarhlutnum þar sem tilboðsgjafa tókst ekki að ljúka fjármögnun sinni. Formlegu söluferli á hlutnum er því lokið.

Þó svo formlegu söluferli sé lokið þá er það takmark SPW að selja eignarhlutinn m.a. með hliðsjón af skilyrðum sem SPW hefur verið sett af Samkeppniseftirlitinu.