Sahin var stressaður fyrir fyrsta leikinn með Dortmund

Nuri Sahin lék sinn fyrsta leik með Dortmund í tvö ár um helgina er hann spilaði í 45 mínútur í æfingaleik gegn Mainz.

Sahin fór frá Dortmund til Real Madrid sumarið 2011 en er kominn aftur til félagsins á láni eftir að lítið gekk hjá honum hjá Liverpool fyrri hluta vetrar.

"Ég var mjög stressaður fyrir þennan leik. Það er mjög óvenjulegt fyrir mig," sagði Sahin eftir leikinn.

"Þetta minnti mig á fyrsta leikinn minn fyrir Dortmund er ég var 16 ára. Ég var þó hættur að vera stressaður eftir svona fimm mínútur."

Sahin leikur sinn fyrsta leik í deildinni fyrir Dortmund þann 19. janúar er liðið sækir Werder Bremen heim.