Valitor flytur höfuðstöðvar sínar til Hafnarfjarðar

Valitor, stærsta kortafyrirtæki landsins, flytur höfuðstöðvar sínar frá Reykjavík til Hafnarfjarðar í haust.

Valitor og Reitir fasteignafélag hafa í þessu skyni undirritað langtíma leigusamning um rúmlega 3.500 fm húsnæði við Dalshraun 3 í Hafnarfirði.

Í tilkynningu segir að um sé að ræða þrjár efstu hæðirnar í þessari nýbyggingu sem mun hýsa nýjar höfuðstöðvar Valitor hér á landi í framtíðinni.

Núverandi höfuðstöðvar eru á Laugavegi 77 en auk þess rekur fyrirtækið starfsstöð í Danmörku og opnar á næstunni skrifstofu í London. Starfsmenn Valitor eru um 160 talsins.