Gullforði Íslands minnkar um milljarð frá áramótum

Verðlækkanir á heimsmarkaði á gulli hafa leitt til þess að gullforði Seðlabankans hefur minnkað um rúman milljarð kr. í verði frá áramótum. Stendur gullforðinn í tæpum 12,7 milljörðum kr.

Þetta kemur fram í efnahagsreikningi Seðlabankans. Þar má sjá að gjaldeyrisforði bankans hefur minnkað um 25 milljarða kr, frá áramótum og nemur tæpum 515 milljörðum kr.

Af öðrum stórum hreyfingum í reikningnum má nefna að innistæður erlendra banka hafa minnkað um tæplega 41 milljarð kr. frá áramótum og eignir félagsins Eignasafn Seðlabanka Íslands hafa minnkað um rúma 39 milljarða kr.