SA vill fá jákvæðar fréttir í pósthólfið

„Samtök atvinnulífsins (SA) minna á að pósthólf SA fyrir jákvæðar fréttir er galopið. Við hvetjum félagsmenn SA og aðra í atvinnulífinu til að stinga að okkur góðum fréttum í gegnum vef SA því við viljum miðla því sem vel er gert og getur orðið fólki hvatning.“

Þetta segir á vefsíðu SA. Ennfremur að íslensk fyrirtæki og starfsfólk þeirra hafa náð eftirtektarverðum árangri á undanförnum misserum við erfiðar aðstæður en með því að bæta starfsumhverfið er hægt að gera miklu betur, skapa fleiri og betri störf og bæta lífskjör landsmanna. Tækifærin sem blasa við eru mörg og það er okkar að nýta þau.

Samtök atvinnulífsins munu birta jákvæðar fréttir á vef SA eftir því sem þær berast til þeirra.  Hægt er að senda þær hér.