Owen Coyle mun taka við Wigan

Samkvæmt heimildum Sky Sports mun Owen Coyle verða ráðinn næsti knattspyrnustjóri Wigan.

Coyle tekur því við af Roberto Martinez sem gerði liðið að enskum bikarmeistara á tímabilinu en á sama tíma féll liðið niður í 1. deild.

Martínez tók við Everton á dögunum og því verður Coyle arftaki hans.

Coyle var rekinn frá Bolton í október árið 2012 en hann hafði verið hjá félaginu í þrjú ár.

Dave Whelan, stjórnarformaður Wigan, hefur staðfest ráðninguna en það eina sem á eftir að gera er að kynna stjórann formlega til leiks.