Stóra systir ábyrg fyrir tískuáhuga Sara McMahon skrifar 17. ágúst 2013 10:30 Þóra Valdimarsdóttir starfar sem aðstoðartískuritstjóri hjá Costume í Danmörku. Hún segir starfið mjög skemmtilegt og fjölbreytt. mynd/anja „Þetta er frábært starf. Hér er alltaf eitthvað nýtt að gerast og enginn dagur eins. Fyrir ári síðan var öllu útliti blaðsins breytt og það hefur líka verið ofboðslega skemmtilegt að þróa það áfram,“ segir Þóra Valdimarsdóttir, sem hefur starfað sem aðstoðartískuritstjóri danska tímaritsins Costume undanfarin tvö ár. Þóra er fædd á Íslandi en hefur búið í Danmörku frá fjögurra ára aldri. Hún stundaði nám í tískuviðskiptafræði við University of the Arts London, en Central Saint Martins og London College of Fashion eru meðal annars undir þeim hatti. Þóra flutti aftur frá London til Danmerkur eftir fæðingu sonar síns og hóf þá störf hjá tískutímaritunum Eurowoman og Euroman þar sem hún starfaði um hríð áður en hún flutti sig um set til Costume. „Ég geri meðal annars tískuþætti og annað tískutengt efni fyrir blaðið og skrifa svo stundum minni greinar líka,“ segir Þóra þegar hún er spurð út í starf sitt. Hún eignar eldri systur sinni það að hafa kveikt þennan óþrjótandi tískuáhuga sem hún býr yfir. „Eva, systir mín, er sú sem leiddi mig inn á þessa braut. Við vorum alltaf að róta í fataskápnum hennar mömmu þegar við vorum litlar og klæða okkur upp. Eva bjó líka mikið erlendis og þegar hún kom heim var hún alltaf klædd í nýjustu tísku, þannig ég held að hún beri ábyrgð á þessum áhuga mínum,“ segir hún hlæjandi en systir hennar heldur úti bloggsíðunni Dusty-reykjavik.blogspot.dk. Skandinavísk hönnunarmerki á borð við Acne, i By Malene Birger og Sand hafa verið vinsæl lengi og segir Þóra að gaman sé að fylgjast með og fjalla um velgengni þeirra á alþjóðavísu, en samhliða því að sinna starfi sínu hjá Costume heldur Þóra úti bloggsíðunni Hashtaghabits.com ásamt vinkonu sinni. Síðan er ný af nálinni en hefur öðlast miklar vinsældir á skömmum tíma. „Þetta er tískublogg en við fjöllum aðeins um vörur sem eru fáanlegar þá stundina. Þetta er tímafrek en mjög skemmtileg vinna,“ segir hún. Tíska og hönnun Mest lesið Lærði að byggja sig upp og elska úr fjarlægð Tónlist Vill opna á umræðuna um átröskun Lífið Fyrsti Íslandsmeistarinn í fjórtán ár Lífið Sinfónía í sundi slegin af borðinu vegna kjötsúpu Lífið Fréttatía vikunnar: Forsetaheimsókn, bílatjón og landsliðið Lífið Björn heill heilsu eftir heilaskurðagerð Lífið Ari Eldjárn er bæjarlistamaður Seltjarnarnes Lífið „Magnað ég hafi lifað 22 ár án þess að fara í aðra aðgerð“ Lífið Tvær miðaldra: Þekktust ekkert en láta nú drauminn rætast saman Lífið Bað Youtube um að fjarlæga myndbandið Lífið Fleiri fréttir Versace stígur til hliðar eftir áratugastarf Hátísku-Laufey á fremsta bekk í París „Bara gaman þegar fólk er í sjokki yfir okkur“ Enginn nakinn á Óskarnum Ekkert gefið eftir í elegansinum Elín Hall í Vogue „Ég hef alltaf þorað að vera ég sjálfur“ Helen Óttars í alþjóðlegri nærfataauglýsingu Kvenmannsbuxur sem áttu að fara til Chalamet Súrrealískt að ganga tískupallinn á Times Square Þýðingarmikill klæðnaður Kendrick Lamar Rokkaði tíu milljón króna hálsmen Gaman að sjá íslenska hönnun skína í dönsku tískusenunni Tískan við þingsetningu: Snjórinn stoppaði ekki flottheitin Halla forseti rokkar svart og hvítt Best klæddu, flippuðustu og fáklæddustu á Grammy Kaflaskil í tískunni þegar hann var tíu ára Sjá meira
„Þetta er frábært starf. Hér er alltaf eitthvað nýtt að gerast og enginn dagur eins. Fyrir ári síðan var öllu útliti blaðsins breytt og það hefur líka verið ofboðslega skemmtilegt að þróa það áfram,“ segir Þóra Valdimarsdóttir, sem hefur starfað sem aðstoðartískuritstjóri danska tímaritsins Costume undanfarin tvö ár. Þóra er fædd á Íslandi en hefur búið í Danmörku frá fjögurra ára aldri. Hún stundaði nám í tískuviðskiptafræði við University of the Arts London, en Central Saint Martins og London College of Fashion eru meðal annars undir þeim hatti. Þóra flutti aftur frá London til Danmerkur eftir fæðingu sonar síns og hóf þá störf hjá tískutímaritunum Eurowoman og Euroman þar sem hún starfaði um hríð áður en hún flutti sig um set til Costume. „Ég geri meðal annars tískuþætti og annað tískutengt efni fyrir blaðið og skrifa svo stundum minni greinar líka,“ segir Þóra þegar hún er spurð út í starf sitt. Hún eignar eldri systur sinni það að hafa kveikt þennan óþrjótandi tískuáhuga sem hún býr yfir. „Eva, systir mín, er sú sem leiddi mig inn á þessa braut. Við vorum alltaf að róta í fataskápnum hennar mömmu þegar við vorum litlar og klæða okkur upp. Eva bjó líka mikið erlendis og þegar hún kom heim var hún alltaf klædd í nýjustu tísku, þannig ég held að hún beri ábyrgð á þessum áhuga mínum,“ segir hún hlæjandi en systir hennar heldur úti bloggsíðunni Dusty-reykjavik.blogspot.dk. Skandinavísk hönnunarmerki á borð við Acne, i By Malene Birger og Sand hafa verið vinsæl lengi og segir Þóra að gaman sé að fylgjast með og fjalla um velgengni þeirra á alþjóðavísu, en samhliða því að sinna starfi sínu hjá Costume heldur Þóra úti bloggsíðunni Hashtaghabits.com ásamt vinkonu sinni. Síðan er ný af nálinni en hefur öðlast miklar vinsældir á skömmum tíma. „Þetta er tískublogg en við fjöllum aðeins um vörur sem eru fáanlegar þá stundina. Þetta er tímafrek en mjög skemmtileg vinna,“ segir hún.
Tíska og hönnun Mest lesið Lærði að byggja sig upp og elska úr fjarlægð Tónlist Vill opna á umræðuna um átröskun Lífið Fyrsti Íslandsmeistarinn í fjórtán ár Lífið Sinfónía í sundi slegin af borðinu vegna kjötsúpu Lífið Fréttatía vikunnar: Forsetaheimsókn, bílatjón og landsliðið Lífið Björn heill heilsu eftir heilaskurðagerð Lífið Ari Eldjárn er bæjarlistamaður Seltjarnarnes Lífið „Magnað ég hafi lifað 22 ár án þess að fara í aðra aðgerð“ Lífið Tvær miðaldra: Þekktust ekkert en láta nú drauminn rætast saman Lífið Bað Youtube um að fjarlæga myndbandið Lífið Fleiri fréttir Versace stígur til hliðar eftir áratugastarf Hátísku-Laufey á fremsta bekk í París „Bara gaman þegar fólk er í sjokki yfir okkur“ Enginn nakinn á Óskarnum Ekkert gefið eftir í elegansinum Elín Hall í Vogue „Ég hef alltaf þorað að vera ég sjálfur“ Helen Óttars í alþjóðlegri nærfataauglýsingu Kvenmannsbuxur sem áttu að fara til Chalamet Súrrealískt að ganga tískupallinn á Times Square Þýðingarmikill klæðnaður Kendrick Lamar Rokkaði tíu milljón króna hálsmen Gaman að sjá íslenska hönnun skína í dönsku tískusenunni Tískan við þingsetningu: Snjórinn stoppaði ekki flottheitin Halla forseti rokkar svart og hvítt Best klæddu, flippuðustu og fáklæddustu á Grammy Kaflaskil í tískunni þegar hann var tíu ára Sjá meira