Lífsstíll til frambúðar

Brynjar Karl er maðurinn á bak við hugbúnaðar- og markmiðafyrirtækið Keyhabits.is á Íslandi.

Það kannast eflaust margir við að upplifa streitu og lifa ruglingslegu lífi þar sem hversdagsleikinn gengur út á vinnu og persónuleg markmið gleymast á leiðinni. Lífsfyllingarlistinn er tómur og skipulagið er lítið sem ekkert.

Ráðgjafarfyrirtækið Sideline sports hefur undanfarin fimmtán ár rekið öflugt hugbúnaðarhús sem býður upp á ráðgjöf fyrir afreksfólk í íþróttum í NBA, bresku úrvalsdeildinni í fótbolta og NFL. Fyrirtækið hefur nú hannað hugbúnað sem heldur utan um gæðastjórnun í þjálfun og persónuleg markmið, þar sem bæði er unnið með líkamlega, huglæga og félagslega þáttinn.

„Þetta er eitt það skemmtilegasta sem ég hef gert. Við erum búin að búa til voldugan hugbúnað í kringum þetta sem við sáum snemma að væri fullkominn fyrir heilsugeirann en jafnframt fyrir fólk eins og þig og mig. Þetta gengur mikið út á að gera fólk sjálfstætt líkt og í fjarþjálfun en okkar mesti styrkur liggur í markmiðastjórnun,“ segir Brynjar Karl, annar stofnandi Keyhabits.

Brynjar Karl segist starfa mikið með Keyhabits á erlendri grundu með fyrirtækjum, íþróttafólki og skólum og bendir á að það sé lítill munur á því að auka afköst starfsmanna í fyrirtækjum og að auka afköst íþróttamanna.

„Við leggjum sama vægi á öll markmið en besta streitumeðalið er að hafa skýra stefnu í lífinu og vinna af heilindum að gildismiðaðri markmiðasetningu. Þess vegna eru allir mánuðir meistaramánuðir hjá okkur,“ segir hann að lokum. Hægt að er að nálgast nánari upplýsingar á keyhabits.is