„Tókum óvart lagið Vor í Vaglaskógi“ Gunnar Leó Pálsson skrifar 12. desember 2013 10:00 Hljómsveitin Kaleo er ein vinsælasta hljómsveit landsins um þessar mundir. mynd/raggi óla „Þetta hefur verið frábært ár hjá okkur og við vonum að næsta ár verði einnig svona gott og jafnvel betra,“ segir Jökull Júlíusson, söngvari og gítarleikari hljómsveitarinnar Kaleo, en sveitin hefur heldur betur slegið í gegn á árinu. Kaleo á eina af mest seldu plötum ársins en hún er jafnframt frumraun sveitarinnar og er henni samnefnd. „Upphaf hljómsveitarinnar má rekja til hljómsveitarinnar Timburmanna, sem var hljómsveit sem tók lög annarra og spilaði á hinum ýmsu samkomum og líka sveitaböllum,“ útskýrir Jökull. Í Timburmönnum voru ásamt Jökli þeir Davíð Antonsson, trommuleikari og söngvari, og Daníel Ægir Kristjánsson bassaleikari. „Rubin Pollock gítarleikari kom svo inn í sveitina og þá varð Kaleo til og áherslurnar urðu aðrar.“ Þess má til gamans geta að Rubin Pollock er sonur gítarleikarans Mike Pollock sem var meðal annars í Utangarðsmönnum. Sveitin kom fyrst fram sem Kaleo á Iceland Airwaves-hátíðinni fyrir rúmu ári. „Fyrir rúmu ári fórum við að leggja metnað í eigin lagasmíðar.“ Lagið Vor í Vaglaskógi var eitt vinsælasta lag ársins á Íslandi í flutningi Kaleo en útgáfa sveitarinnar varð í raun vinsæl fyrir hálfgerða slysni. „Við fórum í Skúrinn á Rás 2 í apríl en þar höfðum við tekið upp lagið Glasshouse nokkrum sinnum sökum tæknilegra erfiðleika og var ég því orðinn þreyttur í röddinni. Þá ákváðum við að telja í eitt rólegt lag sem var óvart lagið Vor í Vaglaskógi og það varð svona vinsælt,“ útskýrir Jökull. Hann hafði þó gengið með lagið og útsetninguna í kollinum í töluverðan tíma áður en þeir töldu í lagið á Rás 2. Eftir þetta fór sveitin í hljóðver og tók lagið upp. „Við tókum upp lagið en eftir að það fékk svona mikla athygli bauð Sena okkur að taka upp breiðskífu og við hjóluðum í það og varð platan til á sex vikum. Við erum mjög sáttir við hana.“ Kaleo-menn leggja mikið upp úr því að vera þéttir á tónleikum og hefur sveitin alla tíð verið dugleg við æfingar. „Við Davíð og Daníel höfum allir spilað saman frá því í grunnskóla og þekkjumst því mjög vel. Við komum helst ekki fram illa æfðir,“ bætir Jökull við. Um þessar mundir er nóg að gera hjá sveitinni en hún er þó farin að vinna í nýju efni. Þá hefur sveitin einnig í hyggju á að koma fram erlendis. „Okkur langar mikið að fara út fyrir landsteinana á næsta ári og erum að skoða alla möguleika á því.“ Framundan eru tónleikar á jólatónleikunum Xmas og tónleikar á Gamla Gauknum en hvorir tveggja tónleikarnir fara fram 20. desember næstkomandi. Kaleo Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
„Þetta hefur verið frábært ár hjá okkur og við vonum að næsta ár verði einnig svona gott og jafnvel betra,“ segir Jökull Júlíusson, söngvari og gítarleikari hljómsveitarinnar Kaleo, en sveitin hefur heldur betur slegið í gegn á árinu. Kaleo á eina af mest seldu plötum ársins en hún er jafnframt frumraun sveitarinnar og er henni samnefnd. „Upphaf hljómsveitarinnar má rekja til hljómsveitarinnar Timburmanna, sem var hljómsveit sem tók lög annarra og spilaði á hinum ýmsu samkomum og líka sveitaböllum,“ útskýrir Jökull. Í Timburmönnum voru ásamt Jökli þeir Davíð Antonsson, trommuleikari og söngvari, og Daníel Ægir Kristjánsson bassaleikari. „Rubin Pollock gítarleikari kom svo inn í sveitina og þá varð Kaleo til og áherslurnar urðu aðrar.“ Þess má til gamans geta að Rubin Pollock er sonur gítarleikarans Mike Pollock sem var meðal annars í Utangarðsmönnum. Sveitin kom fyrst fram sem Kaleo á Iceland Airwaves-hátíðinni fyrir rúmu ári. „Fyrir rúmu ári fórum við að leggja metnað í eigin lagasmíðar.“ Lagið Vor í Vaglaskógi var eitt vinsælasta lag ársins á Íslandi í flutningi Kaleo en útgáfa sveitarinnar varð í raun vinsæl fyrir hálfgerða slysni. „Við fórum í Skúrinn á Rás 2 í apríl en þar höfðum við tekið upp lagið Glasshouse nokkrum sinnum sökum tæknilegra erfiðleika og var ég því orðinn þreyttur í röddinni. Þá ákváðum við að telja í eitt rólegt lag sem var óvart lagið Vor í Vaglaskógi og það varð svona vinsælt,“ útskýrir Jökull. Hann hafði þó gengið með lagið og útsetninguna í kollinum í töluverðan tíma áður en þeir töldu í lagið á Rás 2. Eftir þetta fór sveitin í hljóðver og tók lagið upp. „Við tókum upp lagið en eftir að það fékk svona mikla athygli bauð Sena okkur að taka upp breiðskífu og við hjóluðum í það og varð platan til á sex vikum. Við erum mjög sáttir við hana.“ Kaleo-menn leggja mikið upp úr því að vera þéttir á tónleikum og hefur sveitin alla tíð verið dugleg við æfingar. „Við Davíð og Daníel höfum allir spilað saman frá því í grunnskóla og þekkjumst því mjög vel. Við komum helst ekki fram illa æfðir,“ bætir Jökull við. Um þessar mundir er nóg að gera hjá sveitinni en hún er þó farin að vinna í nýju efni. Þá hefur sveitin einnig í hyggju á að koma fram erlendis. „Okkur langar mikið að fara út fyrir landsteinana á næsta ári og erum að skoða alla möguleika á því.“ Framundan eru tónleikar á jólatónleikunum Xmas og tónleikar á Gamla Gauknum en hvorir tveggja tónleikarnir fara fram 20. desember næstkomandi.
Kaleo Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Áslaug Arna fór í meðferð til að vinna bug á köngulóafælni Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira