Náði frábærri mynd og lést síðan

Í kringum áramótin fara fram úrslitaleikirnir í ameríska háskólaruðningnum. Harmleikur varð á einum þeirra sem fram fór á gamlársdag.

Hinn 59 ára gamli ljósmyndari AP, Dave Martin, var nýbúinn að ná frábærri mynd af Kevin Sumlin, þjálfara Texas A&M, er hans lið vann 52-48 sigur á Duke í Chick-fil-A Bowl-leiknum, er hann féll til jarðar.

Martin fékk hjartaáfall og lést um morguninn á sjúkrahúsi.

Hans hefur verið minnst víða enda þekktur ljósmyndari sem hafði myndað marga stórviðburði. Fór hann meðal annars til Írak, Afganistan og Haíti að mynda ásamt óteljandi stórmótum í íþróttum.