Handbolti

Kári: Verðum að hafa þor til þess að sækja á markið

Henry Birgir Gunnarsson í Álaborg skrifar
Kári átti flotta innkomu í dag.
Kári átti flotta innkomu í dag. vísir/daníel
„Getum við ekki bara verið sáttir með þetta? Einn punktur í leik þar sem þetta var orðið svolítið erfitt hjá okkur,“ sagði Fenrísúlfurinn Kári Kristján Kristjánsson eftir jafnteflið gegn Ungverjum.

Kári var með jákvæðari mönnum eftir leik þó svo hann hafi eðlilega verið hundfúll eins og hinir með að hafa ekki unnið.

„Þetta var kaflaskipt hjá okkur. Við duttum niður of oft. Við fengum samt tækifæri í lokin og eigum að geta fengið betra færi í síðustu sókninni.

„Við féllum aðeins í þá gildru að þora ekki að sækja á markið. Er við erum manni fleiri þá verðum við að hafa þor til þess að sækja grimmar á markið. Við gerðum það ekki og þeir plötuðu okkur of mikið til þess að sækja inn á miðjuna. Það var dýrt.“

Ísland er komið áfram í milliriðil og þar með einu markmiði náð á mótinu.

„Við verðum líka að vera raunsæir. Við fáum stig og töpuðum ekki. Við getum ekki stungið hausnum í sandinn út af þessum leik. Þetta eru áþekk lið og jafntefli ekkert sjokkerandi þó svo það hafi verið grautfúlt.“

EM 2014 karla

Tengdar fréttir

Arnór: Eigum að vinna þetta lið

Strákarnir okkar voru þungir á brún eftir leikinn gegn Ungverjum. Þeir eru komnir áfram í milliriðil en vildu sigur og ekkert annað í kvöld.

Guðjón Valur: Lít á þetta sem tapað stig

Guðjón Valur Sigurðsson, fyrirliði íslenska landsliðsins, var hundfúll eftir jafnteflið á móti Ungverjum í kvöld en íslenska landsliðið fékk á sig jöfnunarmark átta sekúndum fyrir leikslok og tókst síðan ekki að nýta síðustu sóknina sína.

Aron: Þetta stig gæti orðið mjög dýrmætt í framhaldinu

Íslenska handboltalandsliðið var grátlega nálægt því að vinna annan leik sinn í röð á EM í Danmörku þegar liðið gerði 27-27 jafntefli við Ungverja í Álaborg í kvöld. Aron Kristjánsson, landsliðsþjálfari sá þetta bæði sem unnið og tapað stig.

Mest lesið


Fleiri fréttir

Sjá meira


×

Mest lesið