Harrington berst við húðkrabbamein

Írinn Padraig Harrington gekkst nýverið undir meðferð vegna húðkrabbameins. Harrington, sem þrívegis hefur staðið uppi sem sigurvegari í risamóti, lét fjarlægja húðbletti á andliti sínu vegna hættu á að þeir myndu valda krabbameini. Faðir Harrington lést eftir baráttu við krabbamein árið 2005.

„Ég hef látið fjarlægja nokkur húðkrabbamein úr andliti mínu. Þú hunsar ekki svona vandamál,“ segir Harrington.

Írinn hefur talað um vandamál sitt með opinskáum hætti og vill þannig stuðla að aukinni umræðu um þennan sjúkdóm.

„Faðir minn fann fyrir einkennum en gerði ekkert í því. Það er hefð fyrir því í Írlandi og sérstaklega meðal eldri manna. Ef ég finn fyrir verkjum þá læt ég líta á það. Það getur stundum verið erfitt að panta sér tíma og fara til læknis en þér líður mun betur í kjölfarið.“