Gunnar Nelson ræðir ýmislegt við erlenda fjölmiðla í London og meðal annars um bílslysið í október þar sem hann og félagar hans sluppu ótrúlega vel. Gunnar og félagar í Mjölni voru þá á leið í óvissuferð er bíll þeirra valt ofan í Þjórsá.
„Sem betur fer lenti bíllinn á dekkjunum og rétt við þar sem áin verður djúp. Ég man að ég hugsaði að vonandi stöðvi bíllinn áður en við förum ofan í sem og að hann endi ekki á þakinu,“ sagði Gunnar við Daily Mail.
„Ég vissi sem var að ef bíllinn hefði farið einum til tveimur metrum lengra og á þakinu þá hefðu ekki allir lifað af. Það kom öllum á óvart að við skildum sleppa svona vel.“
Gunnar ræðir einnig um meiðslin sem hann varð fyrir í fyrra og um komandi bardaga í viðtalinu.
