Svona var fyrsti fundur Snorra eftir EM

Fundinn má sjá í heild sinni hér að neðan. Þar kynnti Snorri leikmannahópinn sem mætir Svíum í komandi vináttulandsleikjum hér á landi og fór yfir næstu verkefni landsliðsins sem keppa mun á HM í Þýskalandi í byrjun næsta árs.

Um var að ræða fyrsta blaðamannafund Snorra eftir EM í janúar. Hann hefur átt í viðræðum við HSÍ um að framlengja samning sinn en núgildandi samningur rennur út í vor. 

Aðspurður hvort hann væri að fara fram úr sér með því að leggja nú fram drög að áætlun fyrir næsta árið, með leikjum við Egypta í maí og janúar, og í undankeppni EM í haust, sagði Snorri að það mætti vel vera. Hann væri hins vegar vanur að gera plön fram í tímann og hefði gert það frá því að hann tók við landsliðinu.