Tiger þarf að greiða minjagripasala 146 milljónir króna

Tiger Woods þarf að rífa upp veskið og greiða minjagripasala háa upphæð þar sem hann skaffaði honum ekki nóg af eiginhandaráritunum og ljósmyndum fyrir þrettán árum síðan.

Gotta Have It Golf hefur lengi reynt að koma Tiger í dómsal vegna málsins en það tókst á mánudaginn í Miami. Minjagripasalinn hafði sitt fram.

Tiger þarf að greiða honum rúmar 72 milljónir króna í skaðabætur. Með vöxtum fer sú upphæð í 146 milljónir. Minjagripasalinn vildi fá um 300 milljónir króna.

Fastlega er búist við því að kylfingurinn muni áfrýja þessum dómi.