Brynjar, Elva María og Palli jójó í úrslit

Nú er orðið ljósta hvaða atriði eru komin áfram í úrslitakvöld Ísland got Talent og keppa um milljónirnar tíu sunnudagskvöldið 27. apríl.

Keppni kvöldsins var í beinni útsendingu á Stöð 2. Í kvöld komust þau Elva María Birgisdóttir og Brynjar Dagur Albertsson áfram í úrslitaþáttinn.

Elva María er aðeins 11 ára gömul en Brynjar Dagur er 15 ára.

Hinn sjö ára töframaður Jón Arnór Pétursson fór á kostum í fyrsta undanúrslitakvöldinu og tryggði sér sæti í úrslitakvöldinu en ásamt honum fóru þau Arnar Logi Hákonarson og Agnes Sólmundsdóttir áfram.

Í síðustu viku komst dansparið Margrét Hörn Jóhannsdóttir og Höskuldur Þór Jónsson og píanó- og söngkonan Laufey Lín Jónsdóttir áfram í úrslitakvöldið.

Dómararnir tóku síðan ákvörðun um að eitt aukaatriði kæmist áfram í úrslitaþáttinn og er það jójósnillingurinn Páll Valdimar fékk þann heiður að vera einn af sjö sem berjast um milljónirnar tíu.

Hér að neðan má sjá atriði keppendanna.